Монголын Барилгын Инженерүүдийн Холбоо

Баруун бүсийг барилгын материалаар хангах олон улсын жишигт нийцсэн “БАРИЛГАЧИН” худалдааны төвийн нээлтийн арга хэмжээ өчигдөр /2022.12.08/  боллоо. Засгийн газраас барилгын материалын ханган нийлүүлэлтийг нэмэгдүүлэх бодлого, Улаанбаатар хотын төвлөрлийг сааруулах, түгжрэлийг бууруулах зорилтын хүрээнд нийслэл Улаанбаатар хотын баруун бүсэд байрлаж, баруун чиглэлийн 15 аймгийн худалдан авагчдын эрэлт хэрэгцээг нэг дороос хангахаар ийнхүү үүдээ албан ёсоор нээлээ. 

Нээлтийн арга хэмжээнд Барилга, Хот Байгуулалтын Яам, Барилгын Хөгжлийн Төв, Монголын Барилгын Инженерүүдийн Холбоо, Монголын Барилгын Үндэсний Ассоциаци, Монголын Барилгын Материал Үйлдвэрлэгчдийн Холбоо, Монголын Барилгачдын Нэгдсэн Холбоо, Барилгын Зураг Төсөл Зохиогчдын Холбоо зэрэг төрийн болон төрийн болон төрийн бус байгууллагууд, ААН-үүдийн төлөөлөл бизнес эрхлэгчид оролцлоо.

Хэрэглэгчид энэхүү худалдааны төвөөр үйлчлүүлснээр түгжрэлд орохгүй цаг хугацаагаа хэмнэх бөгөөд барилгын хэрэгцээт бүх төрлийн бараа, материалыг нэг дороос авах, төрөлжсөн талбайнуудаас материалын харьцуулалт, сонголт  хийх  боломжтой болж байгаа юм байна. Харин бизнес эрхлэгчдийн хувьд төмөр зам болон авто замын сүлжээнд ойр байрлалтай, нэгдсэн зохион байгуулалттай, тав тухтай орчинд төлбөрийн уян хатан нөхцөлтэй, хүссэн загвар дизайнаар талбайгаа тохижуулах нөхцөлтэйгээр худалдан авах болон түрээслүүлэх талбай санал болгож байгаа юм байна.