Өнөөдөр Энэтхэг улсын Гоа хотод “Азийн Бүсийн Барилгын Инженерүүдийн Чуулган-9” эхэлж байна. Энэхүү хурал нь 3 жил тутамд нэг удаа Азийн Бүсийн Инженерүүдийн Зохицуулах Зөвлөлийн гишүүн холбооноос зохион байгуулдаг бөгөөд энэ удаагийнхийг Энэтхэгийн Инженерүүдийн Танхим зохион байгуулж байгаа юм. Тус чуулганд Монголын Барилгын Инженерүүдийн Холбооны Ерөнхийлөгч А. Ариунболд, Тэргүүн дэд ерөнхийлөгч К.Мурат, Сургагч багш Профессор Б.Аюурзана, гишүүн Батзориг нар болон бусад төлөөлөгчид оролцож байна. Чуулганы үйл ажиллагаа 3 өдөр үргэлжлэх бөгөөд маргааш Профессор Б.Аюурзана өөрийн судалгааны ажлаар илтгэл тавих болно.