«Монгол Улсын газар хөдлөлтийн гамшгаас хамгаалах, урьдчилан сэргийлэх чадавхийг бэхжүүлэх төсөл»-ийн 1-р үе шатыг Япон Улсын хамтын ажиллагааны байгууллага JICA-аас 2017-2019 онд хэрэгжүүлж, үйл ажиллагаанд нь манай холбоо хамтран оролцож, барилгын газар хөдлөлтийн тэсвэрлэлтийн хүчитгэлийн чиглэлээр барилгын 3 дүрмийг боловсруулж, энэ чиглэлийн сургалтуудыг амжилттай зохион байгуулж байсан юм. 

 Энэхүү төслийн 2-р үе шат 2022 оноос 2026 он хүртэл үргэлжлэх болсонтой холбогдуулан тус төслийн багийн зохицуулагчид,  холбооны удирдлагууд, холбоог төлөөлж төслийн ажлын хэсэгт  ажиллах инженерүүдтэй уулзаж, төслийн хүрээнд хамтран хэрэгжүүлэх ажлуудын талаар  санал солилцов.