Монголын Барилгын Инженерүүдийн Холбоо

(Монголын Барилгын Инженерүүдийн хобооны гишүүд болон Барилгын салбарын инженер, мэргэжилтнүүдэд зориулсан аялал)

Монголын Барилгын Инженерүүдийн Холбоо нь хамтын ажиллагаат гадаад холбоодтой болон бусад байгууллагуудтай хамтран мэргэжлийн бизнес аяллыг 2018 оноос эхлэн зохион байгуулж ирсэн билээ.

2022 оны эхний аялал маань 03 дугаар сарын 22-28 өдрүүдэд Туркийн Истанбул хотноо болох гэж байна.

Аяллын үндсэн хөтөлбөр:

  НЭГ. Турк улсын Истанбул хотноо 44 дэх жилдээ зохион байгуулагдаж буй “YAPI-TURKEY BUILD 2022” олон улсын барилгын материалын үзэсгэлэн

• Турк улсын Истанбул хотын TUYAP олон улсын төвд 44 дэх жилдээ зохион байгуулагдаж буй “YAPI-TURKEY BUILD” үзэсгэлэнг HYVE GROUP жил бүр зохион байгуулдаг бөгөөд тус үзэсгэлэн нь дэлхийн топ 5 -д ордог олон улсын барилгын үзэсгэлэн юм. 2022 оны үзэсгэлэн нь ZERO BUILD-ZERO ENERGY BUILDING уриан дор зохион байгуулагдах бөгөөд барилга угсралтын болон архитектур дизайны шинэ дэвшилтэт материал, техник технологийг танилцуулах бөгөөд  дараах чиглэлүүдийг хамарсан өргөн хүрээний үзэсгэлэн юм. Үүнд:

-Барилгын арматур, ган хийц, угсармалын материалууд

-Барилгын дээвэр, ус болон дулаан тусгаарлалтын шинэ технологи, материалууд

-Барилгын эрчим хүчний хэмнэлттэй дэвшилтэт технологи, сэргээгдэх эрчим хүчний технологиуд

-Хаалга, цонх, фасадын материалууд

-Барилгын машин механизм, тоног төхөөрөмж, гар багажууд

-Лифт, урсдаг шатны тоног төхөөрөмжүүд

-Барилгын дулаан, агаар сэлгэлт, ус хангамжийн материал, автоматжуулалтын технологиуд

-Гэрэлтүүлэг, цахилгаан хангамжийн материалууд, автоматжуулалт технологиуд

-Интерьер дизайны материалууд /будаг, обой, пилта гэх мэт/

-Үл хөдлөх хөрөнгийн маркетинг, программ хангамжууд

-Барилгын материалын худалдаа болон барилгын төсөл хэрэгжүүлэгч байгууллагуудын үйл ажиллагаа

   ХОЁР. КингСпан группийн “НОГООН ТЕХНОЛОГИ” техникийн семинар

• КингСпан группийн танилцуулга

• Барилгын шинэ дэвшилтэт Ногоон технологи танилцуулах

•  Ногоон технологийг барилгын төсөлд нэвтрүүлэх

• Хүлээн авалт

   ГУРАВ. Туркийн Барилгын Инженерүүдийн Танхим (TCCE), Истанбулын Техникийн Их Сургуультай танилцах

• Туркийн Барилгын Инженерүүдийн Танхим (TCCE) нь 1954 онд үүсэн байгуулагдсан, 110000 гаруй гишүүнчлэлтэй Турк улсын барилгын салбарын инженерүүдийг нэгтгэсэн байгууллага юм.

• Турк улсын хамгийн том их сургууль болох Истанбулын Техникийн Их Сургуулийн Барилгын инженерийн факультет нь 1727 онд анх байгуулагдсан бөгөөд Барилгын инженер, Геотехник, Хүрээлэн буй орчны инженерчлэл гэсэн 3 факультеттэй юм. 

   ДӨРӨВ. Туркийн барилга угсралт болон Зураг төслийн компанийн үйл ажиллагаатай танилцах

• Орон сууцны хотхон, дээд зэрэглэлийн хаус барих төслийг хэрэгжүүлдэг “Solmazlar construction” компанийн баригдаж буй орон сууцны хотхоны барилгын төслийн талбайд зочлон, барилга угсралтын ажлын явц, үйл ажиллагаа, хөдөлмөр хамгаалал аюулгүй ажиллагааг хэрхэн хангадаг талаар үзэж танилцана.

• Барилга байгууламжийн зураг төсөл боловсруулдаг компанийн  офисст зочлон, үйл ажиллагаатай нь танилцана.

• Олон нийтийн барилга угсралтын ажил гүйцэтгэж буй барилгын талбайд зочлоно.

   ТАВ. Истанбул хотын эртний гайхамшигт архитектурын уран бүтээл үзэх

• 1453 онд баригдсан уран барилгын хосгүй үнэт өв болох Цэнхэр сүм хэмээн алдаршсан Султан Ахмедийн сүм үзнэ. Энэхүү сүм нь 1520-иод оны үед дэлхийн хамгийн том сүм хэмээгддэг архитектурын уран тансаг бүтээл юм. 

   ЗУРГАА. Босфорын хоолойн усан онгоцны аялал

• Шөнийн Истанбул хотын гайхамшгийг мэдрэх Босфорын хоолойн усан онгоцны аялал хийнэ.

   ДОЛОО. Чөлөөт хөтөлбөр

• Энэ өдөр нь чөлөөт өдөр бөгөөд Истанбул хот нь задгай, битүү захууд болон гоёмсог нэрийн дэлгүүрүүдээрээ дэлхийд алдартай. Истанбул молл нь дэлхийн хамгийн том худалдааны төвүүдийн нэг бөгөөд  алдартай брэндүүдийн төрөл бүрийн барааг худалдан авах боломжтой.

  АЯЛЛЫН ТӨЛБӨР: 4.500.000 төгрөг 

(Багтсан зүйлс: 2 талын тийз, 5 одтой зочид буудал, өглөөний цай, өдрийн хоол, усан онгоцны аялал, аяллын хөтөч, аяллын тохилог автобус, даатгал, үзвэр үйлчилгээ. Багтаагүй зүйлс: хилийн боомт дээрх ПСР шинжилгээний үнэ, хөтөлбөрт ороогүй бусад зүйлс)

   Аялалд оролцогсдод тавигдах шаардлага:

1. Гадаад паспортын хүчинтэй хугацаа 6 сараас дээш байх

2. Ковидын бүрэн тунд хамрагдсан байх

3. Нисэхээс өмнө 72 цагийн Ковидын ПСР шинжилгээний СӨРӨГ хариутай байх. 

   Бүртгэл 2022 оны 02 дүгээр сарын 28-ний өдрийг хүртэл явагдана.

БҮРТГЭЛ, МЭДЭЭЛЭЛ, ХОЛБОО БАРИХ

МБИ Холбоо ТББ-ын Ажлын алба

Утас: 11-330985, 94940985

Цахим шуудан: mace09021996@yahoo.com

Оролцох хүсэлтэй инженерүүд ЭНЭХҮҮ ЛИНКЭЭР бүртгүүлнэ үү.