Монголын Барилгын Инженерүүдийн Холбоо

“Монголын Барилгын Инженерүүдийн Холбоо” ТББ нь өнөөдөр /2023.03.03/ “Прожект Девелопмент Тотал Солюшн” ХХК-ай Харилцан ойлголцлын санамж бичигт гарын үсэг зурав. 

Санамж бичиг зураг ёслолын ажиллагаанд “Монголын Барилгын Инженерүүдийн Холбоо” ТББ-ын Ерөнхийлөгч А.Ариунболд, холбооны Гүйцэтгэх захирал Х.Хонгорзул, “Прожект Девелопмент Тотал Солюшнс” ХХК-ийн захирал Х.Ууганбаяр, “МНДахуа Тех” ХХК-ийн Гүйцэтгэх захирал Г.Дөлгөөн болон албаны бусад хүмүүс оролцлоо. 

Энэхүү санамж бичгийг байгуулснаар олон улсад хүлээн зөвшөөрөгдсөн ухаалаг барилга, ухаалаг системийн автоматжуулалтын талаарх техник технологийн шийдлийн талаарх сургалтыг хамтран зохион байгуулах; ухаалаг барилгын системийн технологи нэвтрүүлэхэд мэргэжлийн зөвлөгөө, дэмжлэг үзүүлэх, мэргэжлийн үйл ажиллагаатай холбоотой судалгаа хамтран хэрэгжүүлэх, хоёр талын гадаад хамтын ажиллагааг харилцан дэмжих зэрэг үйл ажиллагааг өргөн хүрээнд хамтран зохион байгуулахаар боллоо. 

Бидний хамтын ажиллагаа улам бүр өргөжин тэлэх болтугай. Их бүтээн байгуулалтын салбарынхаа хөгжлийн төлөө хамтдаа хичээцгээе.